07/07/2023
Spörum okkur 32.205 ferðir til tunglsins með einfaldari eigendaskiptum bifreiða
Samgöngustofa í samstarfi við Stafrænt Ísland og Stafrænar lausnir Origo fóru saman í stafræna vegferð með það markmið að fækka tunglferðum Íslendinga með því að einfalda eigendaskipti bifreiða fyrir okkur öll.
Samgöngustofa í samstarfi við Stafrænt Ísland og Stafrænar lausnir Origo fóru saman í stafræna vegferð með það markmið að fækka tunglferðum Íslendinga með því að einfalda eigendaskipti bifreiða fyrir okkur öll.
Eigendaskipti bifreiða var upprunalega umsókn í pappírsformi sem var fyllt út með penna, en fyrir nokkrum árum varð það fært í vefform. Formið var að finna á Mínum síðum Samgöngustofu og var með nokkra útúrdúra sem gátu stoppað ferlið.
Seljandi fyllti inn allar upplýsingar og sendi inn tilkynningu. Bíða þurfti eftir samþykki kaupanda sem oft gerðist ekki samdægurs, þá var fyrst hægt að ganga frá greiðslu. Í mjög mörgum tilvikum stoppaði ferlið við greiðslu og hægði á því. Ástæðan var að í upphafi var hægt að velja hvort seljandi eða kaupandi myndi greiða fyrir eigandaskiptin og olli það oft ruglingi. Þá þurfti fólk oft að hafa samband við þjónustuver Samgöngustofu.
38.646 umsóknir
Árið 2022 voru 38.646 umsóknir um eigendaskipti hjá Samgöngustofu. Gróflega reiknað í tíma eru það um 139.125.600 mínútur sem tekur að koma skiptunum í gegn, sem eru 2.318.760 klukkustundir. Þetta tilsvarar tímanum sem tekur að fara 309.168 flugferðir til Flórída eða 32.205 ferðir til tunglsins.
"Hér fannst okkur gott tækifæri til að ná góðum árangri, sem myndi skila öllum aðilum sem koma að ferlinu betri niðurstöðu og þá að minnsta kosti færri ferðum til tunglsins." segir Hrafnhildur Sif Sverrisdóttir, teymisstjóri stafrænna lausna hjá Origo.
Notendur í miðjunni
Teymið beitti notendamiðaðri þjónustuhönnun í fjórum skrefum til að koma endurbættri umsókn í loftið. Þau sem koma til með að nota umsóknina eru þannig staðsett í miðju þróunar og ferlið umvafið þeim. Við undirbúning var núverandi umsóknarferli kortlagt og flæðið sett upp myndrænt.
Við sáum strax möguleika að einfalda greiðsluferlið: ákveðið var að seljandi greiði ætíð fyrir eigendaskiptin og einungis er tekið við kortagreiðslum í umsóknarferlinu. Einnig er nú hægt að sjá eigindi sem geta verið á bifreiðum í upphafi umsóknar, þar sem eigindi geta komið í veg fyrir sölu, þannig er komið í veg fyrir að byrjað sé á eigendaskiptum með bifreið sem ekki er hægt að selja.
Hrafnhildur Sif Sverrisdóttir
•
Teymisstjóri Stafrænna lausna hjá Orig
Samþykktarferli kaupanda, seljanda, meðeiganda og umráðamanna fer öll fram á island.is og notast er við rafræn skilríki til staðfestingar.
Hönnunin á umsókninni nýtir hönnunarkerfi Stafræns Íslands sem er þægilegt að vinna með. Við útfærðum auk þess yfirlit sem sýnir stöðu umsóknar og hver staðan er hjá öllum aðilum sem koma að sölunni, þannig að unnt sé að höggva á hnúta sem stoppa ferlið og draga úr óvissu.
Færri fyrirspurnir
Nýtt umsóknarferli fór í loftið í maí og hefur daglegum fyrirspurnum til þjónustuvers vegna eigendaskipta fækkað verulega síðan þá. Endurgjöf notenda hefur verið glimrandi góð og fólk ánægt með snögga afgreiðslu eigendaskipta og hafa notendur sagst hafa klárað ferlið á 5 mínútum, sem áður gat tekið 2 til 3 daga.