23/03/2021 • Inga Steinunn Björgvinsdóttir
Þess vegna varð MS Teams enn betra
![](/_next/image?url=https%3A%2F%2Fimages.prismic.io%2Fnew-origo%2F882eeb42-1784-44d6-b43e-7f5f42adf0ce_microsoft-teams-gallery.jpg%3Fauto%3Dcompress%2Cformat&w=3840&q=100)
Microsoft Ignite, árlegri ráðstefnu fyrir tæknifólk, var að ljúka. Ráðstefnan fór að þessu sinni fram rafrænt eins og aðrir viðburðir í heiminum þessa dagana. Eins og venja er kynnti Microsoft hvaða nýjar lausnir frá fyrirtækinu eru væntanlegar ásamt því hvaða breytingar/þróun er að eiga sér stað á núverandi lausnum.
Hin geysivinsæla lausn, Microsoft Teams, er þar engin undantekning. Microsoft heldur áfram þróun á Teams sem miðar að því að hjálpa fólki að tengjast og vinna enn betur saman.
Enn betri fundarupplifun
Microsoft hefur lagt mikla vinnu í að þróa Teams, en meðal nýjunga sem virkjuðust nýlega má nefna PowerPoint live og möguleikann fyrir þátttakendur til að bregðast við fundinum með því að nota emoji í rauntíma.
Fleiri nýjungar eru væntanlegar:
Dynamic view í Teams kemur með tillögu að uppsetningu á fundinum á skjánum svo hægt sé að ná sem bestri upplifun fundargesta. Eftir því sem fundargestir bætast við á fundinum, kveikja á myndstillingu, byrja að tala eða hefja kynningu á einhverju efni þá stillir Teams sjálfkrafa hvernig uppsetningin birtist eftir því sem metið er ákjósanlegast hverju sinni. Væntanlegt fljótlega.
View switcher: Nú er hægt að stýra því sjálfur hvernig þú sérð efni fundarins. Með því að smella á View switcher táknið í efstu stikunni getur þú nú auðveldlega valið hvernig þú upplifir fundinn. Skiptu yfir í Together mode, Gallery at top, Focus eða Full screen, allt eftir því hvað hentar þér. Væntanlegt fljótlega.
![](https://images.prismic.io/origo/0423bcaa-7967-4cd7-9baa-ca13f490f504_view.png?auto=compress,format)
Presenter mode: Miklar umbætur eru væntanlegar fyrir þá sem eru að kynna efni í gegnum Teams. Með endurbættum kynningarham (presenter mode) er nú hægt að velja milli mismunandi framsetningar á kynningarefninu og birtingu á kynnandanum sjálfum sem nú getur t.d. birst inni á kynningarefninu eða í sér glugga til hliðar við efnið. Væntanlegt fljótlega.
![](https://images.prismic.io/origo/b2a33a05-cc4d-4e04-a59c-0b04dca4d751_presenter.gif?auto=compress,format)
Vefvarp í Teams á leiðinni
Fljótlega verður eins auðvelt að bjóða upp á vefvarp í gegnum Teams eins og að skipuleggja fjarfund:
Allt að 1.000 gagnvirkir þátttakendur
Fjölbreyttir framsetningarmöguleikar
Q&A spjall
Viðbrögð frá þátttakendum í rauntíma
Þróað stillingarumhverfi fyrir stjórnendur vefvarpsins
Allt að 10.000 view-only þátttakendur
Þú velur einfaldlega webinar, meeting eða live event eftir því hvert tilefnið er og munt t.d. geta búið til sérsniðna skráningarsíðu fyrir vefvarpið í gegnum Teams og náð í sérstaka skýrslu að loknu vefvarpi, sem sýnir virkni þátttakenda.
![](https://images.prismic.io/origo/6137dc89-47f8-43dc-afbc-039ae03044d9_1000+Attendee+Webinar.png?auto=compress,format)
Bráðlega mun Teams svo einnig styðja gagnvirka fundi og vefvörp (webinars) fyrir allt að 1.000 þátttakendur í einu og ef fjöldi fundargesta fer yfir þúsund þá breytist vefvarpið sjálfkrafa í view-only útgáfu með 10.000 þátttakenda hámarki. Í lok árs mun þetta hámark tvöfaldast og færast upp í 20.000 þátttakendur. Með view-only vefvarpi lokast sjálfkrafa fyrir að video og hljóð frá þátttakendum og geta þátttakendur.
Fleiri nýjungar í MS Teams eru væntanlegar. Kíktu á yfirlitið hér.
![https://images.prismic.io/new-origo/b805165a-4dce-423e-9d8a-72cb5f652d41_Origo_myndir10433A.jpg?auto=compress,format](/_next/image?url=https%3A%2F%2Fimages.prismic.io%2Fnew-origo%2Fb805165a-4dce-423e-9d8a-72cb5f652d41_Origo_myndir10433A.jpg%3Fauto%3Dcompress%2Cformat&w=3840&q=100)
Höfundur bloggs
Inga Steinunn Björgvinsdóttir
Forstöðumaður þjónustulausnir, markaðsmál
Deila bloggi