02/10/2024
Ert þú að tapa peningum í innkaupum?
SpendSenze er sjálfvirk innkaupagreining sem veitir þér yfirsýn yfir innkaup í rauntíma. Þú færð nákvæm gögn í hendurnar sem styrkja samningsstöðu þína gagnvart birgjum þegar kemur að verðum og viðskiptakjörum.
Á tímum verðbólgu og verðhækkana þurfa fyrirtæki gjarnan að kafa ítarlega ofan í fjármálin sín og leita leiða til sparnaðar og halda útgjöldum í lágmarki. Staðreyndin er hins vegar sú að verðhækkanir frá birgjum geta læðst smám saman inn án þess að það hringi viðvörunarbjöllum á þeim tímapunkti, og áður en þú veist af ertu að borga tvöfalt verð fyrir vöru miðað við árin áður. Það er einmitt hér sem SpendSenze getur hjálpað þér að koma auga á þessar verðhækkanir, svo að þú getir brugðist strax við.
Hvað er SpendSenze?
SpendSenze er sjálfvirk innkaupagreining sem veitir notendum sínum djúpan skilning á innkaupum sínum í rauntíma. Varan greinir rafræna reikninga sem berast fyrirtækjum og nýtir ýmsar gagnalindir til þess að auðga gögnin og útbúa skýrslu tilbúna til notkunar.
Notendur geta þannig á hverjum tímapunkti sótt nákvæm innkaupagögn til greiningar og fengið um leið bætta yfirsýn sem gerir þeim kleift að grípa til aðgerða sem stuðla að lækkuðum innkaupakostnaði og skilvirkari innkaupum.
Hverjar eru áskoranir í innkaupum í dag?
Fyrirtæki eru oft með svo umfangsmikinn rekstur á ólíkum sviðum að það er engin leið að fylgjast með öllum. Til dæmis geta deildir eða svið verið að leggja inn innkaupapantanir hver í sínu lagi, og þegar innkaupaábyrgð liggur á herðum margra ólíkra aðila getur reynst erfitt að halda skipulagðri yfirsýn á innkaupamálum. Hvernig er hægt að ganga úr skugga að allir innan sama fyrirtækis séu að kaupa á sama verði og samkvæmt sömu samningum?
Auk þess er hreinlega ekki nóg að skoða ársuppgjör eða innkaupatölur einu sinni eða tvisvar á ári, sérstaklega ekki í heimi þar sem verðhækkanir geta átt sér stað mánaðarlega. SpendSenze greinir innkaupin þín um leið og rafrænn reikningur berst, og niðurstöður birtast samstundis á skýran og auðlesanlegan máta.
Með aðstoð SpendSenze geta notendur þannig opnað á mikilvæg samtöl við birgjana sína, rætt verðþróun og kjör með skýr gögn til stuðnings, og aukið yfirsýn innkaupamála sinna svo um munar. Öll innkaup fyrirtækisins eru greinanleg á einum stað.
Fylgjumst með og bregðumst strax við
SpendSenze tekur saman öll innkaupin þín, hvort sem það eru vörur eða þjónusta, og flaggar verðhækkunum sérstaklega. Þú getur skoðað verðþróun á einstökum vörum, verðþróun hjá öllum birgjum sem þú verslar við og séð hvar þín helstu tækifæri til sparnaðar liggja.
Þú þarft því ekki að sitja og rýna í innkaupatölur og reikninga svo tímunum, eða jafnvel dögunum skiptir. SpendSenze gerir það fyrir þig og sýnir þér strax hvar þú átt að grípa til aðgerða, svo þú tapir ekki peningum í innkaupunum þínum.
